1. OBXECTO DO CONTRATO

1.1. O obxecto do presente Contrato é a subministración de gas natural por parte de Energía Colectiva S.L. (en diante R luz e gas ou a COMERCIALIZADORA), NIF B.98.670.003, correo postal: rúa Don Juan de Austria, núm. 28, Pta. 4, 46002, Valencia., correo electrónico: [email protected], no punto de conexión á rede ou de entrega, situado nas instalacións do CLIENTE e coa tarifa indicada nas Condicións Particulares.

1.2. O presente Contrato ten carácter persoal e por iso a enerxía fornecida tense que destinar ao consumo do CLIENTE no punto de entrega indicado nas Condicións particulares, sen que este poida cedela ou vendela a terceiros, nin utilizala noutro lugar ou para fins distintos aos estabelecidos nas Condicións Particulares. O incumprimento desta obriga poderá ser considerada causa de resolución do presente Contrato.

2. ATENCIÓN AO CLIENTE

2.1. A COMERCIALIZADORA porase en contacto co CLIENTE electronicamente mediante correo electrónico, mensaxes de texto (SMS), notificacións dentro de aplicacións, ou publicando mensaxes ou comunicacións por correo electrónico no sitio web ou a través de calquera outro Servizo da COMERCIALIZADORA.

2.2. Co obxecto de facilitar a continuidade nas comunicacións entre os asinantes deste contrato, as partes comprométense a manter os números de teléfono móbil, fax, enderezo de correo electrónico e enderezo postal que se comunicaron na solicitude de contratación e a notificar no prazo de 14 días por conduto fidedigno á outra parte calquera mudanza que se produza nestes datos.

2.3. Unha copia das presentes Condicións Xerais, así como das Condicións Particulares, estará permanentemente accesible na zona de clientes da web https://luzegasr.gal, mediante acceso personalizado para o CLIENTE.

2.4. A COMERCIALIZADORA disporá dun servizo de atención telefónica permanente no teléfono 900622690, ao que o Cliente poderá dirixirse para calquera incidencia relacionada coa subministración ou co presente Contrato.

3. ACCESO Á REDE DE DISTRIBUCIÓN E AUTORIZACIÓNS DO CLIENTE

3.1. O CLIENTE autoriza e faculta a COMERCIALIZADORA para que, durante a vixencia do presente Contrato, subscriba no seu nome e representación o contrato de acceso á rede coa compañía Distribuidora correspondente á que se conecte o CLIENTE e para que realice perante outras empresas comercializadoras de gas natural todas as xestións precisas para o bo fin deste Contrato, e en particular para que cancele os contratos de subministración de gas natural que tivese anteriormente concertados con elas e obteña todos os datos do Cliente contidos nos rexistros dos que as devanditas empresas poidan dispor relativos á subministración de gas natural e á domiciliación bancaria do seu pagamento.

3.2. O CLIENTE comprométese, durante a vixencia do presente Contrato, a non resolver o contrato de acceso á rede subscrito pola COMERCIALIZADORA no seu nome coa Distribuidora correspondente. O incumprimento desta obriga dará dereito á COMERCIALIZADORA a resolver este Contrato.

4. ENTRADA EN VIGOR, DURACIÓN E PRÓRROGA

4.1. O presente Contrato entrará en vigor no momento da aceptación por parte do CLIENTE das condicións e terá unha duración inicial dun (1) ano a contar dende o inicio da subministración de gas natural ao CLIENTE, unha vez activada a subministración na rede de distribución e o equipo de medida cumpra os requisitos estabelecidos pola regulamentación vixente.

4.2. Cando remate o prazo de duración inicial, o presente contrato prorrogarase automaticamente por períodos adicionais dun (1) ano de duración, nos que rexerán as mesmas Condicións Xerais e Particulares, agás pacto en contrario manifestado fidedignamente por calquera das partes. Se ningunha das partes notifica á outra a vontade de resolvelo, por escrito, a través das comunicacións fidedignas habilitadas por este Contrato, cun preaviso de 15 días, este Contrato prorrogarase durante outro ano adicional. Para ese efecto, cada factura enviada ao CLIENTE indicará a data de remate do Contrato co fin de que poida evitar a súa prórroga, se é esa a súa vontade.

4.3. A entrada en vigor do Contrato estará condicionada á súa validación por parte da COMERCIALIZADORA, que poderá rexeitar a súa subscrición en caso de discrepancia ou incorrección dos datos fornecidos polo CLIENTE e non emendados a pedimento da COMERCIALIZADORA, en caso de débeda anterior pendente coa COMERCIALIZADORA ou outra empresa subministradora, como consecuencia da valoración de solvencia do CLIENTE, ou a súa inclusión en ficheiros relativos ao incumprimento de obrigas pecuniarias. Se o acceso for finalmente denegado pola Distribuidora por causas alleas á COMERCIALIZADORA o presente Contrato non entrará en vigor, sen dereito a indemnización por ningunha das partes.

5. EQUIPO DE MEDIDA E CONTROL

5.1. O CLIENTE comprométese a non manipular o Equipo de Medida e Control, e a informar a COMERCIALIZADORA no caso de se detectar un funcionamento anormal do Equipo de Medida e Control ou incidencias neste.

5.2. O CLIENTE disporá no Punto de Subministración dun equipo de medida axeitado, en propiedade ou alugueiro (“Equipo de Medida”), que deberá axustarse aos requisitos técnicos legalmente estabelecidos, e será responsable da súa custodia e mantemento e do cumprimento das demais obrigas estabelecidas pola lexislación vixente. O prezo mensual do alugueiro do contador de gas natural será o fixado normativamente polo Ministerio para a Transición Ecolóxica e o Reto Demográfico ou Organismo competente para a tarifa de acceso correspondente e que cobra a empresa Distribuidora, ao que se lle incorporará o IVE ou imposto indirecto aplicable, que será indicado nas facturas que se emitan ao CLIENTE.

5.3. O CLIENTE garantirá o acceso ao Equipo de Medida e Control á COMERCIALIZADORA e á empresa Distribuidora correspondente, co fin de levar a cabo a instalación, inspección, lectura, mantemento, verificación e control, así como outras actuacións que resulten precisas para a consecución do Contrato de Subministración e en cumprimento da normativa en vigor.

5.4. Será a empresa Distribuidora quen realice a conexión das instalacións e dos equipos de medida, así como as lecturas reais, todo iso nos prazos e condicións estabelecidos legalmente.

6. CALIDADE DA SUBMINISTRACIÓN

6.1. As condicións de calidade e dispoñibilidade de subministración son responsabilidade da compañía Distribuidora e axustaranse ás definidas na normativa vixente en cada momento, atendendo á continuidade da subministración e á calidade do produto fornecido. En concreto, serán as estabelecidas nos artigos 63 e seguintes do Real Decreto 1434/2002, de 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, ou a normativa vixente aplicable en cada momento. A COMERCIALIZADORA velará por que a Distribuidora cumpra coas obrigas que a esta lle impón a normativa como responsable do funcionamento e mantemento da rede de distribución.

6.2. A presión e a tarifa contratadas polo CLIENTE e polas que se efectúa a subministración serán as que o distribuidor estipule segundo o consumo anual do CLIENTE, e a tarifa contratada fixarase nas condicións particulares.

6.3. A COMERCIALIZADORA tramitará perante a Distribuidora e trasladará ao CLIENTE as bonificacións, descontos ou indemnizacións que correspondan e aplique a Distribuidora por incidencias na súa rede, todo iso consonte a normativa vixente en cada momento.

6.4. O CLIENTE comprométese a non manipular ningún dos compoñentes da instalación, e en especial o Equipo de Medida, e exonera en todo o caso a COMERCIALIZADORA de calquera continxencia que puidese derivarse do incumprimento desta obriga, e sen prexuízo das responsabilidades que legalmente lle fosen esixibles pola devandita manipulación.

6.5. Corresponde ao CLIENTE manter en perfecto estado a conservación da instalación receptora, incluídos os aparellos de consumo, así como facer un uso axeitado desta e efectuar aquelas melloras ou modificacións da instalación que regulamentariamente se determinen. O usuario deberá facer as revisións obrigatorias das instalacións coa periodicidade e alcance que estabeleza a lexislación correspondente. No seu caso, os propietarios ou quen represente a comunidade de propietarios responsabilízanse das instalacións comúns do edificio.

6.6. Consonte o previsto na Lei de Hidrocarburos e a súa normativa de desenvolvemento, o CLIENTE manifesta coñecer que a Empresa Distribuidora é a única responsable do mantemento da rede de distribución e da calidade e continuidade da subministración. A COMERCIALIZADORA, en virtude do anteriormente exposto, non será en ningún momento responsable da falta de calidade ou continuidade da subministración nin dos danos ou carencias que puidese sufrir o CLIENTE como consecuencia de interrupcións, cortes de subministración, etc. Nestes casos o CLIENTE deberá dirixir calquera reclamación extraxudicial ou xudicial relacionada coa calidade e continuidade da subministración á Empresa Distribuidora coa cal ten contratado o acceso á rede do seu Punto de Subministración.

7. TARIFAS E PREZO

7.1. Agás que se dispoña outra cousa nas Condicións Particulares e en función da tarifa elixida polo CLIENTE, o Prezo incluirá:

- TERMO FIXO: O seu importe obtense multiplicando o número de días da subministración polo importe fixado nas Condicións Particulares para cada unha das tarifas. Non depende do consumo, e inclúe o custo das peaxes e cargas vixentes en cada momento.

- TERMO DE ENERXÍA CONSUMIDA: O seu importe obtense aplicando á enerxía consumida polo CLIENTE o resultado da suma das peaxes e cargas vixentes en cada momento e do prezo da enerxía en cada momento, de acordo coas Condicións Particulares.

As peaxes e as cargas actualízanse periodicamente pola CNMC, de acordo coa Circular 6/2020, de 22 de xullo, pola que se estabelece a metodoloxía para o cálculo das peaxes de transporte, redes locais e regasificación de gas natural, e polo Ministerio para a Transición Ecolóxica e o Reto Demográfico, de acordo co Real Decreto 1184/2020, de 29 de decembro, de metodoloxía de cálculo de cargas do sistema gasista.

OUTROS CONCEPTOS REGULADOS:

- Se procede, alugueiro de contador, equipos de medida, elementos de control e outros compoñentes para a medida do consumo de gas cuxas cantidades corresponden á empresa Distribuidora.

- En función da tarifa contratada, o custo do financiamento do bono social, de acordo coas Condicións Particulares.

- Resto de conceptos regulados de acordo coa normativa, que son determinados pola empresa Distribuidora e serán repercutidos ao CLIENTE sen ningunha marxe adicional.

IMPOSTOS APLICABLES LEGALMENTE ESIXIBLES:

- O Imposto Especial sobre Hidrocarburos: Grava a subministración de gas natural de acordo coa lexislación vixente en cada momento.

- Impostos indirectos: Imposto indirecto aplicable (IVE, IXIC ou IPSI): Aos prezos aplicaránselles, de acordo coa normativa aplicable, os impostos indirectos vixentes en cada momento. O tipo impositivo, que se especificará e desagregará na factura, será o que resulte aplicable en cada momento. Son impostos indirectos aplicables, segundo o territorio do punto de subministración, o IVE, o IXIC ou o IPSI.

7.2. Adicionalmente, serán a cargo do CLIENTE as recargas por exceso de consumo que implique unha mudanza de tarifa, que a COMERCIALIZADORA incorporará na factura. A COMERCIALIZADORA comunicará de xeito oportuno e trasladará directamente ao CLIENTE na facturación calquera incremento ou diminución no prezo das tarifas de acceso á rede, cargas ou calquera incremento nas cotas para fins específicos e tributos. As bonificacións e devolucións aplicadas pola empresa Distribuidora tamén serán directamente repercutidas ao CLIENTE.

7.3. O CLIENTE tamén se fará cargo de todos aqueles gastos, facturados á COMERCIALIZADORA e derivados das actuacións no Punto de Subministración por parte da distribuidora, durante a duración do Contrato, levados a cabo pola Empresa Distribuidora, por actuacións de acordo coa normativa vixente, por dereitos de enganche, en caso de alta; dereitos de acceso, en caso de alta nova; dereitos de acometida; dereitos de reconexión, en caso de reenganche da subministración que supoñen o dobre do importe dos gastos de enganche; gastos por inspección periódica de instalacións (IRC, etc.); garantía ou fianza, para novas altas ou mudanzas de titular ou calquera custo regulado pola lexislación vixente que factura a Empresa Distribuidora relacionada coa subministración de gas.

7.4. A creación ou modificación de calquera novo custo asociado á subministración de gas natural, incluído o financiamento da retribución tanto do Operador do Sistema (OS) como do Operador do Mercado (OM), que sexa ou poida ser repercutido á demanda trasladarase automaticamente aos prezos do Contrato sen que iso teña a consideración de modificación das condicións contractuais. En particular, consideraranse como custos asociados á subministración os pagamentos correspondentes ao financiamento do servizo de ininterrompibilidade e ao financiamento da retribución do servizo de dispoñibilidade segundo o previsto na normativa de aplicación. De acordo co anterior, o seu traslado aos prezos do Contrato realizarase automaticamente.

7.5. Así mesmo, o prezo do Contrato estipulado nas Condicións Particulares non inclúe, e serán de conta exclusiva do CLIENTE de xeito adicional sen que iso teña a consideración de modificación nas condicións económicas acordadas, os demais importes ou gastos que se produzan no Punto de Subministración ou a partir deste en relación coa subministración de gas natural, así como calquera importe que, en virtude da normativa aplicable, deba aboar a COMERCIALIZADORA no tocante á subministración de gas natural ou na súa condición de empresa comercializadora.

7.6. Caso de, durante a vixencia do presente Contrato, entrar en vigor algún novo gravame, imposto ou tributo aplicable ao gas natural obxecto desta subministración, ou calquera outra forma de fiscalidade sobre produtos enerxéticos, ou de se incrementaren os vixentes, os prezos que se recollen nas Condicións Particulares serían incrementados na mesma cantidade que resultase das anteriores modificacións. Xa que logo, adicionalmente aos prezos do Contrato, o cliente satisfará á COMERCIALIZADORA as cantidades que, no seu caso, esta deba soportar ou se lle deban repercutir en concepto de imposto especial ou de calquera forma de tributación sobre produtos enerxéticos e demais gravames que recaian sobre o gas natural obxecto deste Contrato. Para ese efecto, na facturación que a COMERCIALIZADORA emita incluiranse as cantidades que o CLIENTE deba satisfacer por estes conceptos. A obriga do CLIENTE de satisfacer estes importes persistirá ata a súa total liquidación, mesmo no caso de se alcanzar o prazo de duración previsto para este Contrato ou de se extinguir este de calquera xeito.

7.7. A COMERCIALIZADORA repercutirá ao CLIENTE calquera importe reclamado pola empresa Distribuidora, e que será trasladado integramente ao CLIENTE segundo a regulamentación vixente. A COMERCIALIZADORA repercutirá ao CLIENTE calquera importe reclamado pola empresa Distribuidora por mor de refacturacións ou resultados de actas de inspección en relación co punto de subministración do CLIENTE.

7.8. Os prezos indicados estarán vixentes durante o período acordado, aínda que se repercutirán automaticamente sobre estes as variacións á alza ou a baixa nas tarifas e peaxes de acceso, cargas, canons e demais conceptos regulados que puidesen ser aprobados pola Administración, e resultarán de aplicación durante a vixencia do contrato, en cumprimento da normativa aplicable, sen ter iso a consideración de modificación das presentes condicións contractuais.

8. FACTURACIÓN E FORMA DE PAGAMENTO

8.1. A lectura de consumos a partir da cal se emitirá a factura é a que fai a empresa Distribuidora, responsable legal da súa realización. A COMERCIALIZADORA facturará coa lectura do consumo facilitada pola Distribuidora e de non a haber, a facilitada polo CLIENTE. Caso de non se dispor das lecturas de consumo antes de que remate o prazo previsto de facturación, o CLIENTE autoriza a COMERCIALIZADORA a facturar a partir dun consumo estimado sobre a base da medida dos períodos anteriores ou, de non o haber, estimado segundo os mellores históricos ou datos dispoñibles, que se regularizará posteriormente en función dos consumos reais que achegue a compañía Distribuidora.

8.2. A facturación do consumo realizarase con carácter mensual por meses naturais vencidos. A COMERCIALIZADORA facturará dentro dos trinta (30) días posteriores ao remate de cada mes, agás cando non se dispoña de medidas válidas fornecidas pola Distribuidora e non se poida estimar correctamente o consumo ou existan incidencias, discrepancias ou reclamacións en curso, e comprenderá todos os consumos feitos no devandito período total ou, no seu caso, ata o remate do Contrato acontecido no devandito período por calquera causa, incluídas a desistencia ou a resolución deste. Caso de baixa efectiva do Contrato, terase en conta a data comunicada pola Distribuidora á COMERCIALIZADORA como data de terminación do servizo, momento no que a Distribuidora fai a lectura real do contador do punto de subministración do usuario e permite a mudanza de comercializadora.

8.3. Na factura emitida pola COMERCIALIZADORA detallaranse todos os conceptos legalmente esixibles, distinguindo o prezo do gas natural de calquera outro concepto facturado. A lectura de consumos base sobre a cal se emitirá a factura é a que fai a Distribuidora, responsable legal da súa realización.

8.4. O pagamento das facturas efectuarase mediante domiciliación bancaria á conta designada a estes efectos polo CLIENTE nas Condicións Particulares. O CLIENTE autoriza o pagamento de cada factura ao día seguinte da súa emisión, ou no seu lugar na data na que a entidade bancaria designada reciba a comunicación co importe que deba cargarse na conta do CLIENTE. A COMERCIALIZADORA está facultada para fraccionar, sen cargo algún para o CLIENTE, o pagamento dunha factura ata nun máximo de catro cotas mensuais, circunstancia que será comunicada ao CLIENTE, quen poderá trasladar á COMERCIALIZADORA a súa vontade de non facer uso do servizo.

8.5. O CLIENTE poderá modificar a domiciliación bancaria do pagamento das facturas mediante notificación por escrito á COMERCIALIZADORA ou a través da súa área de cliente, cunha antelación mínima de 21 días naturais á data de emisión da factura para así permitir a modificación de datos coa entidade bancaria e o cargo na nova conta.

8.6. Sobre as cantidades facturadas non satisfeitas nas datas previstas e por causas non imputables á COMERCIALIZADORA, aplicarase automaticamente e sen necesidade de ningún requirimento, dende a data do seu vencemento e ata o seu pagamento completo, o tipo aplicable dos xuros legais do diñeiro publicado polo Banco de España.

8.7. Se a devolución da factura de subministración é por causas imputables á COMERCIALIZADORA, esta asumirá todos os gastos inherentes á mesma.

O ingreso do importe para satisfacer a débeda correspondente ás facturas non pagas e devolucións de cobramentos mediante domiciliación bancaria farase mediante o pagamento con cartón (débito ou crédito) a través do TPV virtual posto á disposición do CLIENTE ou mediante ingreso do importe ou transferencia bancaria na conta facilitada pola COMERCIALIZADORA, indicando de maneira obrigatoria o número de contrato da subministración e o número de factura correcto, para que este medio de pagamento sexa efectivo, e poida ser debidamente identificado e rexistrado pola nosa compañía.

8.8. O CLIENTE fica expresamente informado de que, de non atender no prazo o pagamento da débeda, os datos relativos ao incumprimento poderán ser comunicados pola COMERCIALIZADORA a un ficheiro de incumprimento de obrigas pecuniarias, con pleno respecto da normativa de aplicación de protección do consumidor canto a condicións de acceso ao devandito rexistro.

Así mesmo, o CLIENTE acepta recibir facturas electronicamente, que serán facilitadas para a súa consulta e descarga na área de clientes da COMERCIALIZADORA, aínda que o CLIENTE pode solicitar as facturas en papel póndose en contacto connosco de balde en calquera momento por correo electrónico, teléfono ou nas oficinas da COMERCIALIZADORA.

9. CESIÓN DO CONTRATO

9.1. O CLIENTE, coa condición de estar ao corrente do pagamento, poderá traspasar a súa posición (dereitos e obrigas) neste Contrato a outro consumidor para o mesmo punto de consumo sinalado nas Condicións Particulares, e en condicións idénticas ás súas. Para iso, con carácter previo o CLIENTE e o cesionario presentarán conxuntamente á COMERCIALIZADORA un escrito coa solicitude de cambio de titularidade, debidamente asinado por ambos os dous e no que constarán os datos persoais do cesionario, o seu domicilio, CIF e datos de domiciliación bancaria. Unha vez aceptada, a COMERCIALIZADORA xestionará a mudanza perante a Distribuidora, e a efectividade do traspaso ficará condicionada á regularización do contrato de acceso á rede.

9.2. En calquera momento a COMERCIALIZADORA poderá ceder a súa posición (dereitos e obrigas) neste Contrato a calquera sociedade filial do grupo da COMERCIALIZADORA, en todo o caso sempre que o devandito cesionario reúna calquera das citadas condicións no momento da cesión, estea legalmente habilitado para prestar o servizo obxecto do Contrato e o seu nivel de solvencia sexa, polo menos, equivalente ao da COMERCIALIZADORA.

10. RESPONSABILIDADE

10.1. Agás nos supostos de incumprimento do presente Contrato que se atopen suxeitos ao que en cada caso estabeleza de maneira imperativa a normativa vixente en cada momento, ningunha das partes será responsable fronte á outra de ningún dano indirecto ou lucro cesante derivado do incumprimento deste Contrato.

Ningunha das partes será responsable fronte á outra polos danos e perdas que non lle sexan directamente imputables. A estes efectos, a COMERCIALIZADORA non responderá pola interrupción da subministración por causas que non sexan imputables directamente á COMERCIALIZADORA ou que o sexan ás actuacións doutros suxeitos dentro do sistema gasista. Agás que deriven directamente da actuación da COMERCIALIZADORA, esta non responderá das deficiencias na calidade do gas e a continuidade do servizo, que serán esixibles por parte do CLIENTE ao titular da rede, transportista ou distribuidor encargados da entrega do gas, sen prexuízo da necesaria colaboración e información que poida prestar a COMERCIALIZADORA.

10.2. Ningunha das partes será considerada responsable do incumprimento das súas obrigas en virtude deste Contrato se o devandito incumprimento é causa dun acto de Forza Maior, especialmente no caso da imposibilidade de facer chegar a subministración ao Punto de Subministración por razóns alleas á COMERCIALIZADORA. A efectos do presente Contrato enténdese por Forza Maior calquera acto, circunstancia ou causa que escape ao control de calquera das Partes, mesmo no caso de a parte afectada actuar coa debida dilixencia, quer imprevisible, quer previsible, inevitable, irresistible ou independente á vontade das partes.

10.3. A parte que se vise afectada pola Forza Maior notificarao decontado á outra, describindo detalladamente o acto de Forza Maior alegado e o tempo previsto de duración. Unha vez finalizada a Forza Maior, as partes acordarán o período de tempo e as medidas apropiadas para continuar co desenvolvemento do Contrato.

11. MODIFICACIÓN

11.1. A COMERCIALIZADORA poderá modificar as condicións do presente Contrato cunha antelación mínima de 14 días naturais á data efectiva de entrada en vigor da modificación. A COMERCIALIZADORA notificará ao CLIENTE con polo menos un mes de antelación á súa aplicación calquera revisión dos prezos derivada das condicións previstas. En todo o caso, o CLIENTE poderá rescindir o Contrato sen penalización nin custo ningún en calquera momento antes da entrada en vigor da modificación. Caso de non manifestar o contrario, entenderase que o CLIENTE acepta as condicións na data efectiva de entrada en vigor da modificación.

11.2. Corresponde determinar á empresa Distribuidora a modificación de calquera aspecto ou parámetro técnico relacionado co acceso de terceiros á rede (por exemplo, potencia contratada, tensión, etc.), que fica supeditada á súa concesión por parte da empresa Distribuidora, producirá efecto dende a data da súa concesión e comportará a variación dos prezos fixados nas condicións económicas do Contrato. A realización das modificacións técnicas precisas para a instalación ser conforme coa normativa vixente será por conta do CLIENTE.

11.3. Con independencia da data na que se celebrou o Contrato, os prezos recollidos nas Condicións Particulares incrementaranse cada 1 de xaneiro na porcentaxe de variación do Índice de Prezos ao Consumo (IPC), ou índice que o substitúa, dos últimos doce meses que estivese publicado nesa data, agás se a COMERCIALIZADORA decide pospor a revisión dos prezos por variación do IPC para a data da seguinte prórroga ou o 1 de xaneiro.

12. SUSPENSIÓN

12.1 Caso de suspensión da subministración a COMERCIALIZADORA actuará no nome e interese do CLIENTE fronte á Distribuidora para reclamar o seu restabelecemento canto antes, sen prexuízo de pórse o CLIENTE en contacto coa Distribuidora da zona que é a encargada das cuestións técnicas e única capaz de restabelecer a subministración por fallos na rede. A Distribuidora debe estar á disposición do CLIENTE, 24 horas 365 días ao ano, e na súa factura disporá do teléfono desta.

12.2. O procedemento e os prazos para suspender a subministración aos consumidores que sexan persoas físicas na súa vivenda habitual serán os que determine a normativa vixente, para aquelas tarifas de acceso suxeitas a ela.

12.3. Sen prexuízo de calquera outro dereito que asista á COMERCIALIZADORA, caso de o CLIENTE non incluído no anterior apartado incumprir con calquera dos pagamentos a el esixibles no momento do seu vencemento, a COMERCIALIZADORA poderá suspender a subministración de gas natural e, no seu caso, resolver o Contrato segundo a normativa vixente. A estes efectos, a COMERCIALIZADORA remitirá o requirimento de pagamento de xeito fidedigno. O requirimento practicarase por calquera medio que permita ter constancia da recepción polo interesado ou o seu representante, así como da data, a identidade e o contido deste. No devandito requirimento indicarase a data na que remata o período de pagamento voluntario da factura non paga, que será de 10 días naturais dende a data de recepción do documento ou intento de notificación, e a partir da cal interromperase a subministración, se o CLIENTE non aboou a débeda.

12.4. Logo de se efectuar a suspensión da subministración, esta reporase como máximo no prazo legal estabelecido, despois do aboamento das cantidades debidas. Para iso O CLIENTE deberá proceder ao envío por correo electrónico ou por calquera medio admitido en dereito da xustificación de pagamento da cantidade pendente e aboada coa referencia pertinente.

12.5. O exercicio por parte da COMERCIALIZADORA do dereito de ordenar á Empresa Distribuidora a suspensión da subministración non libera o CLIENTE da obriga de pagar o importe da facturación pendente. A COMERCIALIZADORA non levará a cabo as actuacións precisas para renovar a subministración ata que o CLIENTE realice todos os pagos debidos, e incluiranse no seguinte recibo todos os gastos ocasionados como consecuencia da suspensión e eventual reposición da subministración, así como a repercusión dos custos asociados aos dereitos de suspensión e reconexión que esixa a Empresa Distribuidora.

12.6. A Empresa Distribuidora pode dar de baixa o contrato de acceso á rede (baixa administrativa) e retirar o equipo de medida se unha subministración permanece máis de 60 días desconectada por falta de pagamento. Unha reactivación dunha subministración por baixa administrativa implica unha alta completamente nova cos custos e requirimentos legais e vixentes asociados á obtención dun novo certificado de instalación que deben ser aboados polo CLIENTE.

12.7. Así mesmo, a subministración poderá suspenderse polas seguintes causas:

a) En casos de Forza Maior, segundo a normativa vixente, non imputables a ningunha das partes.

b) Por razóns de seguridade ou risco para as persoas ou bens, ou realización de tarefas de mantemento, reparación ou ampliación do Punto de Subministración. Caso de ter que cortar a compañía distribuidora a subministración de gas natural para permitir a execución de traballos programados na rede, aínda que esta o comunicará aos usuarios cunha antelación de 48 horas. Esta comunicación farase mediante carteis anunciadores situados en lugares visibles e de acordo coa normativa.

c) En xeral, nos supostos previstos na normativa do sector gasista vixente e, de forma especial, perante o incumprimento de calquera obriga que a devandita normativa impoña ao CLIENTE como usuario do servizo por mor da deficiente conservación das instalacións do CLIENTE cando isto supoña un perigo para a seguridade das persoas ou bens, ou en caso de manipulación indebida polo Cliente dos equipos ou instalacións.

13. RESOLUCIÓN

13.1. O Contrato poderá quedar resolto a pedimento de calquera das partes consonte o previsto nesta cláusula, previa comunicación de maneira fidedigna, por calquera medio que permita ter constancia da recepción polo interesado ou o seu representante e cun mínimo de catorce (14) días de antelación, así como de común acordo e nos supostos previstos pola normativa vixente, todo iso sen prexuízo das obrigas económicas pendentes de pagamento ou xeradas pola aplicación da normativa tarifaria vixente. A data efectiva da resolución ficará condicionada á aplicación da baixa do contrato de acceso á rede por parte da Empresa Distribuidora, após a solicitude por parte da COMERCIALIZADORA.

13.2. Tamén poderá ser resolto polos seguintes motivos:

a) A falta de pagamento dunha factura sen xusta causa por parte do CLIENTE, ao que se lle requirirá previamente o pagamento, previa notificación da resolución contractual por parte da COMERCIALIZADORA ao propio CLIENTE.

Neste caso, a COMERCIALIZADORA poderá dar de baixa o contrato comercial ou o contrato de acceso á rede, sempre con respecto á normativa vixente no momento da resolución. Todo iso sen prexuízo do dereito ao cobramento das cantidades pendentes. No caso de consumidores que sexan persoas físicas na súa vivenda habitual, a COMERCIALIZADORA poderá resolver o Contrato por falta de pagamento consonte os casos e segundo o procedemento previsto na normativa vixente.

b) Incumprimento dalgunha das condicións esenciais do presente Contrato por calquera das partes e todas aquelas nas que se atopa expresamente previsto.

c) En casos de fraude, manipulación indebida dos Equipos de Medida ou irregularidades nas medidas por parte do CLIENTE, ou cando se estabelezan derivacións para fornecer gas natural a outro punto de subministración.

Nos casos anteriores, sempre que se derive facturación de consumos por actuación indebida sobre os Equipos de Medida, esta realizarase de acordo coa normativa vixente en cada momento.

d) Deficiente conservación das instalacións ou equipos correctores, que resulte nunhas instalacións perigosas e un grave risco para a seguridade. Nos supostos anteriores, se un consumidor con título xusto para o devandito punto de subministración solicita a formalización dun novo Contrato, a resolución do anterior Contrato será automática.

A suspensión da subministración ou do contrato de acceso á rede nos casos de fraude permitirá a resolución automática do Contrato, sen prexuízo do dereito da COMERCIALIZADORA ao cobramento das cantidades pendentes.

Independentemente das causas anteriores, en todo o caso, serán causas de resolución do Contrato as seguintes:

e) Non permitir de forma inxustificada a entrada en horas hábiles ou de normal relación co exterior nos locais onde se atopan as instalacións de transformación, medida ou control a persoal autorizado pola Empresa Distribuidora encargada da medida e inspección da instalación.

f) A neglixencia do CLIENTE respecto da custodia dos Equipos de Medida e control, á marxe de quen for o seu propietario. A neglixencia do CLIENTE respecto da instalación de equipos correctores caso de se produciren perturbacións á rede e, unha vez decorrido o prazo estabelecido polo organismo competente para a súa corrección, se esta non se efectuou.

A COMERCIALIZADORA poderá solicitar a mudanza de subministrador, a favor da comercializadora de referencia, nos casos e de acordo cos requisitos previstos pola normativa vixente.

13.3. Caso de algunha das partes decidir resolver anticipadamente o Contrato, o CLIENTE ou a COMERCIALIZADORA comunicarán esta decisión fidedignamente indicando a data na que se desexe a baixa da subministración, e sen prexuízo da obriga de aboamento do gas consumido por parte do cliente pola subministración de gas natural anterior á data de baixa e calquera outra carga imputable á subministración que se atope pendente de factura (factura final liquidataria).

14. PROTECCIÓN DE DATOS DE CARÁCTER PERSOAL

A prestación dos Servizos da COMERCIALIZADORA comporta o tratamento de datos de carácter persoal do CLIENTE, que serán tratados consonte o previsto no presente Contrato e a política de privacidade

O responsable do tratamento será a sociedade Energía Colectiva S.L., con domicilio postal en rúa Don Juan de Austria, núm. 28, Pta. 4, 46002, Valencia. e NIF B.98.670.003. Pode contactar co noso Delegado de Protección de Datos (DPD ou DPO) enviando un correo electrónico a [email protected]

14.1. O tratamento dos datos no marco da contratación e a prestación dos servizos farase coas seguintes finalidades:

a) Xestión da relación contractual

Esta finalidade inclúe a xestión do propio Contrato, a súa facturación e a súa interacción con calquera dos nosos departamentos internos, como poden ser o servizo de atención ao cliente, servizo técnico ou calidade para a atención de reclamacións, mudanzas na contratación ou incidencias. Tamén trataremos os seus datos de contacto coa finalidade de habilitar o acceso do Cliente á súa área privada, á que pode acceder a través da web ou a app, e na que o Cliente pode acceder ás súas facturas ou consultar o seu consumo.

A base de lexitimación para tratar estes datos está na execución da relación contractual, e estes conservaranse mentres esta permaneza vixente e despois manterémolos bloqueados á disposición só de autoridades policiais ou xudiciais ata a prescrición de obrigas legais e responsabilidades derivadas do tratamento, un prazo que xeralmente é de seis anos após a finalización do Contrato, agás que exista algún tipo de reclamación administrativa ou xudicial, e neses casos almacenaranse ata que remate o procedemento.

b) Prestación de servizos de subministración de gas natural

Dentro desta finalidade englóbanse as diferentes actividades que resulten precisas e inherentes á prestación do servizo de subministración de gas natural, como:

- O fornecemento do servizo de gas natural;

- O rexistro dos datos de consumo e o seu uso co obxectivo de poder proceder á súa facturación; así como a reclamación extraxudicial e xudicial caso de falta de pagamento.

- Detección, xestión e solución de incidencias técnicas e resolución de reclamacións.

As categorías de datos obxecto de tratamento con esta finalidade inclúen datos de contacto, SIPS, CUPS e datos de consumo.

Caso de solicitar unha mudanza dende ou cara a outra comercializadora, informámolo ademais de que poderían ser obxecto de tratamento os seus datos identificativos, ao ser entón preciso comunicar os datos entre doador e receptor para facer a mudanza. Os datos intercambiados entre comercializadoras serán os previstos en cada momento na lexislación vixente na materia.

A base de lexitimación para tratar estes datos está na execución da relación contractual e no caso de switch a adopción de medidas precontractuais, e estes conservaranse mentres esta permaneza vixente e despois manterémolos bloqueados á disposición só de autoridades policiais ou xudiciais ata a prescrición de obrigas legais e responsabilidades derivadas do tratamento, un prazo que xeralmente é de seis anos após a finalización do Contrato, agás que exista algún tipo de reclamación administrativa ou xudicial, e neses casos almacenaranse ata que remate o procedemento.

c) Comprobación de solvencia

Informámolo de que con carácter previo á contratación coa COMERCIALIZADORA consultaremos a súa solvencia en sistemas comúns de información crediticia (BADEXGUG, ASNEF, Experian e Equifax), consonte o previsto na Lei Orgánica 3/2018, de 5 de decembro, de Protección de Datos Persoais e garantía dos dereitos dixitais, que é un elemento máis no marco da análise da súa solicitude, no cal se teñen en conta outras variables en función do sector, se ten débedas con outras empresas do noso grupo ou o risco de fraude. Se a análise resulta negativa, comunicámoslle que a súa solicitude de contratación poderá ser rexeitada e que ten dereito a solicitar unha revisión manual do seu caso.

Realizamos este tratamento de datos consonte o interese lexítimo da COMERCIALIZADORA de avaliar a viabilidade da nova contratación e reducir o risco de falta de pagamento. Se quere información adicional sobre o noso interese lexítimo, por favor, consulte con [email protected].

O resultado da análise en termos de apto/non apto conservarase durante tres meses dende que se realizou a análise.

d) Comunicación dos datos de falta de pagamento da débeda a ficheiros comúns de solvencia

Caso de non atender puntualmente as súas obrigas económicas e resultar diso unha débeda certa, vencida e esixible, procederase, coa base de lexitimación o interese lexítimo da COMERCIALIZADORA ao abeiro da lexislación vixente, á comunicación dos seus datos identificativos e os datos relativos á débeda pendente de pagamento ás entidades responsables de sistemas comúns de información crediticia (BADEXGUG, ASNEF, Experian ou Equifax), de conformidade coas disposicións sobre sistemas de información crediticia da Lei Orgánica 3/2018, de 5 de decembro, de Protección de Datos Persoais e garantía dos dereitos dixitais. Se quere información adicional sobre o noso interese lexítimo, por favor, consulte con [email protected].

A entidade que manteña o sistema de información crediticia informarao sobre a posibilidade de exercitar os seus dereitos estabelecidos dentro dos trinta días seguintes á notificación da débeda ao sistema, e durante ese prazo os datos ficarán bloqueados.

e) Prevención da fraude

A COMERCIALIZADORA poderá verificar a exactitude dos datos que vostede achegue no marco da contratación a través dos Códigos CSV, información da Axencia Tributaria ou mecanismos similares, ou solicitando á entidade bancaria emisora a súa confirmación. Tamén poderán ser consultados os sistemas de prevención de fraude mantidos polo Grupo ao que pertence Energía Colectiva S.L..

Para este tratamento, a COMERCIALIZADORA ten como base de lexitimación o interese lexítimo de protexer o seu Cliente e a propia compañía da fraude na contratación. Neste sentido, a COMERCIALIZADORA tratará os datos estritamente necesarios para realizar a verificación e só na medida na que estes resulten precisos para a prevención da fraude.

Se quere información adicional sobre o noso interese lexítimo, por favor, consulte con [email protected].

f) Información comercial propia

A COMERCIALIZADORA pode tratar os datos identificativos e de contacto dos Clientes para remitirlles información comercial en relación con produtos ou servizos propios, como promocións de diversa natureza, novas tarifas ou melloras por medios electrónicos (por exemplo, correo electrónico, SMS, WhatsApp, a través dos perfís da COMERCIALIZADORA en redes sociais e outras plataformas) consonte o previsto no artigo 21.2 da Lei 34/2002, de 11 de xullo, de Servizos da Sociedade da Información e Comercio Electrónico.

No tocante ao anterior e ao abeiro do interese lexítimo que nos asiste para personalizar as nosas ofertas e, en último caso, ofrecer produtos e servizos que respondan mellor ás necesidades e desexos dos Clientes, podemos segmentar os destinatarios de cada campaña a partir dos datos solicitados no marco da contratación e consumo (por exemplo, para dirixir unha oferta unicamente aos residentes nunha localidade ou área xeográfica concreta, ou aos Clientes que contraten unha determinada tarifa).

Con idéntica finalidade e ao abeiro tamén do interese lexítimo, podemos utilizar datos estatísticos publicados polas Administracións Públicas coa finalidade exclusiva de determinar os parámetros identificativos dos destinatarios de cada campaña (por exemplo, para dirixir unha oferta aos Clientes que residan en localidades de máis de 5.000 habitantes, segundo datos publicados polo INE). Os devanditos datos estatísticos non serán utilizados para realizar perfilado nin para o enriquecemento das nosas bases de datos, agás que se obtivera o previo consentimento do Cliente.

En calquera momento o Cliente pode oporse ao envío desta información ou á personalización desta a través dos procedementos proporcionados nas propias comunicacións comerciais ou os descritos na presente Política de Privacidade. Caso de se opor só á personalización, o cal pode facer escribindo a [email protected], poderá seguir recibindo información comercial, pero esta probablemente non lle resulte tan pertinente.

Se desexa obter información adicional sobre o noso interese lexítimo, por favor, consulte con [email protected].

Trataremos os seus datos con esta finalidade mentres sexa cliente da COMERCIALIZADORA e non se opuxera á recepción destas comunicacións.

Despois de que deixe de ser Cliente, comunicámoslle que poderemos seguir informándoo por medios electrónicos dos nosos produtos e servizos consonte o previsto no artigo 21.2 da Lei de Servizos da Sociedade da Información, ao cal poderá oporse en calquera momento mediante o procedemento proporcionado en cada comunicación comercial, póndose en contacto co noso servizo de atención ao cliente ou por calquera outro medio previsto nas presentes Condicións.

14.2. Informámolo de que a COMERCIALIZADORA, a partir do seu interese lexítimo de manter, incrementar e fidelizar a súa carteira de clientes, pode facerlle enquisas ou analizar durante a vixencia do Contrato e ata un prazo de 18 meses despois do remate deste o uso que o Cliente fai dos Servizos contratados connosco, así como as interaccións do Cliente coa COMERCIALIZADORA, basicamente con tres finalidades:

a. Mellorar o servizo, a oferta e a atención ofrecida aos seus clientes con carácter xeral (por exemplo, desenvolver novas tarifas, reducir tempos de espera no servizo de atención ao cliente, enrutar chamadas ao servizo de atención ao cliente de forma eficiente, etc.)

b. Detectar incidencias, áreas de mellora ou necesidades en relación cos nosos servizos con carácter xeral (por exemplo, problemas de subministración, erros na facturación e mellorar a atención de incidencias)

c. Elaborar modelos de propensión de abandono e outros modelos estadísticos.

Para estas finalidades utilizamos datos seudonimizados, así como información sobre o uso que o Cliente fai dos servizos que pomos á súa disposición, o que se entenderá como: servizo de subministración de gas natural (o que inclúe a correcta xestión da relación contractual, facturación e pagamentos, a calidade do servizo), servizos de consulta como a app ou o servizo de atención ao cliente e a calidade deses servizos, así como a resolución de incidencias. Por exemplo, a título enunciativo, pódense utilizar os seguintes datos: horarios de consumo, potencia, importes medios de factura ou recarga, incidencias, tipoloxía de incidencia, tempo de espera en atención ao cliente, tipo de atención recibida, tempo de resolución de incidencias, información proporcionada nas comunicacións coa COMERCIALIZADORA, reintentos de chamada errada, se usa ou non a app, etc.

Nestes casos, a COMERCIALIZADORA adoptará as medidas oportunas para garantir que o impacto no dereito á protección de datos do cliente sexa o mínimo. Por exemplo, a COMERCIALIZADORA seudonimizará os datos e tratará aqueles que sexan estritamente necesarios para ese fin. O Cliente pode oporse ao tratamento dos seus datos con esta finalidade escribindo a [email protected]

14.3. A quen comunicamos os seus datos?

Con carácter xeral, a COMERCIALIZADORA non comunicará os seus datos a ningún terceiro, agás no caso de solicitude de switching (solicitude de mudanza de comercializadora), entón proporcionaremos os seus datos identificativos e CUPS á distribuidora coa finalidade de xestionar a mudanza de comercializadora, e caso de existiren obrigas legais ou exercicio dos dereitos de lexítima defensa da COMERCIALIZADORA, que requiran a nosa colaboración ou achega de datos, por exemplo, en inspeccións de consumo ou requirimentos de información de axentes facultados. Os datos obxecto de comunicación adoitan limitarse aos achegados na contratación, isto é, datos identificativos, de contacto e de pagamento.

14.4. Transferencias internacionais

Así mesmo, informámolo de que a COMERCIALIZADORA non ten previsto levar a cabo transferencias internacionais de datos persoais de clientes con carácter xeral.

14.5. Durante canto tempo conservaremos os seus datos?

Con carácter xeral, os datos derivados da contratación conservaranse mentres se manteña a relación contractual co Cliente e bloquearanse, á disposición só de axentes facultados ata a prescrición das obrigas legais e responsabilidades derivadas do tratamento, durante un prazo que xeralmente é de seis anos após o remate do Contrato, agás de existir algún tipo de reclamación administrativa, e nese caso almacenaranse ata que remate o procedemento, ou xudicial, e nese caso almacenaranse ata que a resolución adquira firmeza.

En calquera caso, se cando remate a relación contractual existisen litixios pendentes derivados do exercicio de accións de impugnación da factura ou tendentes a lograr o seu cobramento, os datos poderán conservarse durante a tramitación destes, mentres non recaia resolución definitiva —data na que se procederá ao seu bloqueo e posterior borrado—, aínda que só poderán utilizarse con fins probatorios.

14.6. Cales son os seus dereitos?

Comunicámoslle que, consonte o previsto na lexislación de protección de datos, conta cos seguintes dereitos:

- Dereito de acceso: Coñecer que tipo de datos estamos a tratar e as características do tratamento que estamos a levar a cabo.

- Dereito de rectificación: Poder solicitar a modificación dos seus datos por ser estes inexactos ou non veraces.

- Dereito de portabilidade: Poder obter unha copia nun formato interoperable dos datos que estean a ser tratados.

Dereito á limitación do tratamento nos casos recollidos na Lei.

- Dereito de supresión: Solicitar a supresión dos datos cando o tratamento xa non resulte necesario.

- Dereito de oposición: Solicitar o cesamento no envío de comunicacións comerciais nos termos antes sinalados.

- Dereito a revogar o consentimento prestado

Pode exercitar estes dereitos mediante correo postal ao enderezo rúa Don Juan de Austria, núm. 28, Pta. 4, 46002, Valencia. ou mediante correo electrónico ao enderezo [email protected], indicando o dereito que vaia exercitar e acompañando a documentación requirida. Así mesmo, comunicámoslle que pode interpor unha reclamación perante a Axencia Española de Protección de Datos.

Na páxina web da AEPD pode atopar unha serie de modelos que o axudarán no exercicio dos seus dereitos.

Se ten algunha dúbida sobre o tratamento dos seus datos persoais, pode contactar co noso Delegado de Protección de Datos (DPD ou DPO) enviando un correo electrónico a [email protected].

15. RECLAMACIÓNS, RESOLUCIÓN DE CONFLITOS, XURISDICIÓN E INFORMACIÓN DE INTERESE.

15.1. A declaración de calquera destas Condicións Xerais como inválida ou ineficaz non afectará a validez ou eficacia das restantes, que continuarán sendo vinculantes para as Partes, que se comprometen no devandito caso a substituír a cláusula afectada por outra válida de efecto equivalente segundo os principios de boa fe e equilibrio de contraprestacións. A renuncia de calquera das Partes a esixir nun momento determinado o cumprimento de calquera das Condicións Xerais aquí estipuladas non implica unha renuncia de carácter xeral nin creará un dereito adquirido para a outra parte.

15.2. A COMERCIALIZADORA pon á disposición do CLIENTE a posibilidade de presentar as súas reclamacións ou peticións de información por escrito a través das canles permanentemente actualizadas na web https://luzegasr.gal, isto é, tanto por escrito dirixido a “ATENCIÓN AO CLIENTE – RECLAMACIÓN” ás oficinas de Energía Colectiva S.L., rúa Don Juan de Austria, núm. 28, Pta. 4, 46002, Valencia., mediante correo electrónico dirixido a [email protected], mediante o formulario web de contacto, ou a través do teléfono gratuíto de atención ao CLIENTE 900622690, que serán atendidas nun prazo de 5 días hábiles para usuarios consumidores e 15 días para o resto. Caso de non estar satisfeito coa resolución da incidencia, poderá dirixirse ao Ministerio para a Transición Ecolóxica e o Reto Demográfico ou á Administración Autonómica competente en materia de consumo e de industria ou enerxía, sen prexuízo de poder acudir a calquera entidade de resolución alternativa de litixios en materia de consumo que cumpra os requisitos estabelecidos pola Directiva 2013/11/UE do Parlamento Europeo e do Consello, de 21 de maio de 2013, e nas disposicións nacionais de transposición, que estea debidamente acreditada. Pode tamén utilizar, se contratou o noso servizo por Internet, o procedemento de resolución de conflitos en liña da Unión Europea, ao que pode accederse na seguinte ligazón: https://ec.europa.eu/consumers/odr

15.3. As dúas partes contratantes sométense á xurisdición e competencia dos Xulgados e Tribunais do lugar no que se efectúa a subministración ou do domicilio do usuario, segundo este escolla.

15.4. En todo o previsto neste Contrato, as partes rexeranse pola Lei española aplicable e, en particular, pola Lei 34/1998, de 7 de outubro, do Sector de Hidrocarburos, e pola súa normativa vixente de desenvolvemento.

15.5. Se desexa información sobre medidas de eficiencia enerxética, mobilidade sostible, guía práctica da enerxía e especificacións técnicas que poidan servir para reducir o consumo dos electrodomésticos, pode consultar:

a) IDAE, Instituto para a Diversificación e Aforro da Enerxía: www.idae.es C/Madera, 8 – 28004 Madrid – Tel. 913146673

b) CNMC: www.cnmc.es, Sede Alcalá: Alcalá 47 – 28014 Madrid – Tel. 914329600

16. INFORMACIÓN SOBRE O DEREITO DE DESISTENCIA

16.1. O CLIENTE dispón da potestade de desistir do presente Contrato nos termos legalmente previstos. Para exercer o dereito de desistencia, o CLIENTE deberá notificar á COMERCIALIZADORA a súa decisión de desistir do Contrato a través dunha declaración inequívoca por calquera forma, ou a través do formulario adxunto, enchelo cos seus datos persoais e dirixilo a Atención ao cliente a través de correo electrónico ou ben cunha carta enviada por correo postal, sen necesidade de xustificación. O prazo de desistencia expirará aos catorce (14) días naturais dende o día da sinatura deste Contrato de subministración.

16.2. Para iso pode utilizar o formulario de desistencia adxunto, enchendo os datos requiridos para identificar o contrato, aínda que o seu uso non é obrigatorio e pode empregar calquera outro escrito equivalente.

16.3. O enderezo para os efectos de notificacións é o seguinte: rúa Don Juan de Austria, núm. 28, Pta. 4, 46002, Valencia., correo electrónico: [email protected]

16.4. Ten así mesmo a opción de encher e enviar electronicamente o modelo de formulario de desistencia ou calquera outra declaración inequívoca a través do noso sitio web. Se recorre a esa opción, comunicarémoslle sen demora, por exemplo, por correo electrónico, a recepción da devandita desistencia.

16.5. En todo o caso, o CLIENTE autoriza a COMERCIALIZADORA a que a prestación da subministración obxecto deste Contrato se inicie durante o prazo de desistencia antes indicado. No caso de consumo de gas natural, a desistencia suporá unicamente a obriga do aboamento do importe do servizo prestado ata o momento no que se fixo efectiva a desistencia.